20 год работает в Шумилино цех забоя птицы ООО «Витконпродукт»
Натуральны прадукт з Шуміліна. Якасны, смачны, карысны
Курынае мяса карыстаецца папулярнасцю ва ўсім свеце і атрымала рэпутацыю каштоўнага, карыснага і вельмі смачнага прадукта. Адным з вытворцаў такога прадукту ў нашай краіне з’яўляецца ТАА «Вітконпрадукт»( дырэктар Святлана Некрашэвіч) – прадпрыемства па вытворчасці і перапрацоўцы мяса куранят-бройлераў. На тэрыторыі нашага раёна размешчаны цэх забою птушкі «Шуміліна», якому сёлета споўнілася 20 год з дня адкрыцця. Дзякуючы зладжанай дружнай камандзе, захаванню тэхналогій і ўзмоцненаму кантролю за якасцю, шумілінскі цэх на чале з яго начальнікам Паўлам Шустровым упэўнена лідзіруе ў сваёй галіне.
20 год цэху
14 кастрычніка 2004 года ў Шуміліне адбыўся пробны запуск цэха забою птушкі. Спачатку вытворчасць спецыялізавалася на забоі і раздзелцы. На прадпрыемства ўладкавалася каля сотні чалавек, праца ў асноўным была ручная. «З 2008 года пачалі выпускаць паўфабрыкаты – фарш курыны, рулеты, катлеты, шашлыкі, – расказвае начальнік цэха Павел Шустроў, які ўзначальвае структурнае падраздзяленне 16 гадоў. – У 2009 годзе ўстанавілі аўтаматычную лінію раздзелкі, дзякуючы якой маглі весці забой трох тысяч птушак за гадзіну (зараз каля шасці тысяч). Затым быў абсталяваны ўчастак паўфабрыкатаў, закуплены вялікі кутэр для здрабнення мяса. Калі аб’ёмы павялічыліся, у Шуміліне сталі выпускаць больш разнастайную мясную прадукцыю – розныя віды фаршаў, сырыя каўбаскі, рулеты».
Паступова пляцовак па вытворчасці куранят-бройлераў стала больш (не толькі ў Слабадзе, але і ў Бешанковічах, Лепелі, Багушэўску, Талачыне), і ў 2012 годзе пачалі вырабляць варана-вэнджаную прадукцыю. З’явіліся ў продажы каўбасы “доктарская”, “нежанка”, “купецкая”, вэнджаныя крылы. У 2014 годзе шумілінскі цэх выпускаў 257 тон прадукцыі за месяц, чатыры гады таму да іх дадаліся яшчэ сыравэнджаная і сыравяленая прадукцыя (за месяц – да 30 тон). Сёння цэх выпускае больш за 600 тон гатовай прадукцыі.
«Юбілей цэха – нагода падзякаваць ветэранам працы за работу, вопыт і настаўніцтва, – зазначае Павел Мікалаевіч. – Шмат гадоў у нас адпрацавалі Уладзімір Долгі, галоўны тэхнолаг Алена Пінягіна, апрацоўшчык птушкі Вольга Грабянчук і многія іншыя. Усім дзякуй за старанне!»
У цэх забою – да 53 тысяч птушак за дзень
Сёння ў цэху забою птушкі «Шуміліна» працуе каля 400 чалавек. Гэта адно з буйнейшых прадпрыемстваў раёна. Працуюць тут людзі не толькі з райцэнтра, але і з Віцебска, Бешанковічаў, Мікалаева, Обалі, для якіх арганізаваны падвоз. Прыехалі на заробкі і некалькі чалавек з Туркменіі.
У цэх забою за дзень прывозяць ад 45 да 53 тысяч птушак са Слабады, Багушэўска, Лепеля, Талачына, расказвае намеснік начальніка цэха Дзмітрый Торчык. Пасля патрашэння на новых сучасных аўтаматах птушка ахалоджваецца тры гадзіны ў халадзільніку і паступае на сарціроўку. Летась у шумілінскім цэху памянялі абсталяванне лініі раздзелкі на больш магутнае, цяпер 95% птушкі ідзе на раздзелку, што вельмі зручна для пакупнікоў. Праз ўчастак раздзелкі за месяц праходзіць 2600 тон кураціны, з іх 2 тысячы тон замарожваецца. Дзякуючы камерам шокавай замарозкі, мяса захоўвае карысныя якасці. За месяц шумілінскі цэх выпускае больш за 600 тон прадукцыі. Адных толькі каўбас – больш за трыццаць гатункаў. Карыстаюцца папулярнасцю каўбасы “мартадэла” і “філейная”, вяндліна “ўральская балыковая”, сыравэнджаныя каўбасы “дзмітрыеўская”, “італьянская” і многія іншыя.
«Галоўная місія прадпрыемства – вырабляць якасны прадукт для здаровага харчавання. Прынцыповая пазіцыя кампаніі – пастаўляць на рынак прадукцыю, якая адпавядае самым высокім экалагічным патрабаванням, на гэта нацэльвае наш дырэктар Святлана Уладзіміраўна Некрашэвіч, – кажа яе намеснік па вытворчасці Сяргей Пепяляеў. – Мы нацэлены на работу ў камандзе. У Шумілінскім раёне ў аграгарадку Слабада размешчаны яшчэ і цэх па вырошчванні птушкі, дзе працуе сямейная дынастыя Кашнікавых. Куранят кормяць спецыяльным збалансаваным камбікормам, антыбіётыкі пры вырошчванні не выкарыстоўваюцца. Таму мы ўпэўнены ў якасці нашай прадукцыі».
Больш за дзесяць гадоў таму ТАА “Вітконпрадукт” першым на Віцебшчыне сярод падобных прадпрыемстваў атрымала права выкарыстоўваць зялёны знак Дзяржстандарту “Натуральны прадукт”. Фірма неаднаразова адзначалася дыпломамі прэстыжных конкурсаў за шырокі асартымент і высокую якасць. Прадукцыя мае сертыфікаты якасці, якія дазваляюць прадаваць прадукцыю ў мусульманскія краіны». Зараз, акрамя асноўнага беларускага рынка, наш тавар паступае ў Расійскую Федэрацыю і Кіргізію, у планах наладзіць супрацоўніцтва з Кітаем і Узбекістанам.
Па рэспубліцы працуюць 85 фірменных магазінаў «Мясная лаўка» аграпрамысловага холдынгу «Славянскі Велес» (у яго структуру ўваходзіць «Вітконпрадукт), у тым ліку 64 – па Віцебскай вобласці. Прадукцыя з шумілінскага цэха туды пастаўляецца кожны дзень. Сярод апошніх навінак – “нагетсы” з курынага філе і “намазка”. У бліжэйшы час плануюць выпускаць мяса для запякання, руляды, а таксама грэцкую і ячную кашу з мясам. Гаспадыні павінны ацаніць прадукт: хвіліна для разагрэву – і вячэра гатова!
Хіт продажу – сасіскі “студэнцкія”
Сасіскі, каўбасы, вэнджаная прадукцыя вырабляюцца ў каўбасным цэху. «Наша брыгада за 12-гадзінную змену выпускае ад 7 да 15 тон прадукцыі, – расказалі вытворцы паўфабрыкатаў Надзея Мандрык і Леанід Кажанеўскі. – Хіт продажу – сасіскі “студэнцкія”, якіх вырабляем да 3,5 тоны. Любяць пакупнікі каўбасы “для сябе” і “мартадэлу”, карыстаецца попытам і новы гатунак каўбасы “філейная”.
Бухгалтарскі аддзел
Колькі і ў які дзень завезена птушкі на тэрыторыю цэха, колькі сыравіны пойдзе на вытворчасць, якія гатункі каў-бас і паўфабрыкатаў выраблены за дзень ці месяц, колькі пры гэтым выкарысталі солі, спецый і жэлаціну, колькі спатрэбілася кардону для ўпакоўкі – гэтыя і іншыя лічбы можна даведацца ў бухгалтэрыі. Вядучы бухгалтар Таццяна Шаціла, бухгалтары Святлана Катлова, Вольга Шаціла і Наталля Іванова лічаць, плану юць і аналізуюць.
Праз іх рукі праходзіць больш за 10 тон фаршу
Вельмі зладжаная работа аператараў участка ўпакоўкі паўфабрыкатаў Ірыны Васілеўскай і Анастасіі Ермаловіч. Яны ставяць фарш у латках на стужку, па якой прадукцыя падаецца ва ўпаковачную машыну, дзе закрываецца цэлафанам. Потым латкі ўзважваюцца, на іх наклейваецца этыкетка. Праз рукі аператараў за змену праходзіць па 10-16 тысяч упаковак з фаршам, у кожнай з якіх па 700-800 грамаў.
У адказе за ўпакоўку
За ўпакоўку каўбасных вырабаў, якіх цэх выпускае больш за трыццаць гатункаў, у адказе Ніна Пашкевіч. Укладчыку-ўпакоўшчыку трэба быць уважлі-вым і хуткім, лічыць жанчына. З нядаўняга часу яна ўпакоўвае і новыя віды ва-раных каўбас – “класічную”, “юбілейную”, “фестывальную”, пры вырабе якіх выкарыстоўваецца не толькі курынае мяса, але і свініна.
Камандная работа
Хуткасць, спрыт, работа ў камандзе важныя на ўчастку фасоўкі тушкі, лічаць укладчыкі-ўпакоўшчыкі Алена Голубева, Анастасія Патапава, Святлана Осіпава – трэба за змену скласці ў скрыні па 6-10 тон тушак курэй. Вопыту работніцам не займаць: Алена працуе ў цэху 17 гадоў, Анастасія і Святлана – больш за дзесяць.
А дома жыць і працаваць лепш!
У былым дальнабойшчык, а сёння вадзiцель забойнага цэха ТАА «Вiтконпрадукт» Максiм Цуранаў упэўнены: «Дзе б не працаваў, у якiя б краiны не ездзiў, а дома ўсё роўна лепш!». Два гады таму Максiм уладкаваўся на «Вітконпрадукт» вадзiцелем на вялікагрузны аўтамабіль з паўпрычэпам. Возiць птушак з цэхаў па выро-шчваннi, якiя знаходзяцца ў аграгарадку Слабада, Бешанковiчах, Талачыне, Лепелi, Багушэўску. «Я задаволены, што ўладкаваўся працаваць у Шумiлiне, побач з домам, – кажа Максiм. – З сям’ёй кожны дзень, і гэта шчасце. Дома мяне чакаюць жонка i маленькі сынок Дзямiд».
Ветурачы і тэхнолагі – на пільным кантролі
На кантролі вытворчасці – ветурачы і тэхнолагі цэха забою птушкі. Усё, што завозіцца на прадпрыемства – птушка, спецыі, кардон, пакеты, этыкеткі – дасканала правяраюць ветурачы. Тэхнолагі кантралююць працэс вытворчасці прадукцыі, складаюць заяўкі на ўсе віды прадукцыі, зыходзячы з патрэбнасці на продаж.
Сэрвіс для аўтамабіляў
На транспартным участку цэха налічваецца 20 адзінак вялікагрузных аўтамабіляў, на якіх дастаўляюць курэй і развозяць прадукцыю па Беларусі. Абслугоўваюць аўтамабілі слесары Уладзіслаў Скірман, Юрый Лейчанка, Юрый Хаванскі. Ад шынамантажу да рамонту любой складанасці – гэта справа рук слесараў.
Ларыса ЗАЙЦАВА.
На правах рекламы.
