«Пад покрывам бацькоўскай любові» – пад такой прыгожай назвай 14 кастрычніка ў раённым цэнтры ў раённым цэнтры культуры прайшло святочнае мерапрыемства з нагоды Дня маці.
Сімвалічна, што ў нашай краіне Тыдзень бацькоўскай лю-ові пачынаецца 14 кастрычніка, у Дзень маці, бо мацярынства – гэта штодзённая праца і адначасова подзвіг, які патрабуе пастаяннай самааддачы і цярпення, адзначыў у сваім выступленні старшыня райвыканкама Сяргей Галынчык. Сяргей Аляксандравіч шчыра павіншаваў усіх матуль са святам, па дзякаваў за выхаванне дзяцей, утульнасць і пяшчоту, якія яны ствараюць у сем’ях, пажа-даў сямейнага дабрабыту і любові, цёплых усмешак.
Асаблівыя віншавальныя словы былі адрасаваны Таццяне Міляк з вёскі Баёўка, якой Сяргей Аляксандравіч уручыў дыплом лаўрэата прэміі імя Героя Сацыялістычнай Працы С. Т. Пальвінскай – за ўмацаванне сям’і і ўдзел у грамадскім жыцці, выказаў словы ўдзячнасці за годнае выхаванне траіх дзяцей.
Са святам Пакрова Прасвятой Багародзіцы павіншаваў іерэй Вадзім Яско.
Артысты раённага цэнтра культуры падарылі святочны канцэрт. У фае працавалі выставы гісторыка-краязнаўчага музея «З чаго пачынаецца сям’я», раённай цэнтральнай бібліятэкі «Не гасне свет бацькоўскай любові», Дома рамёстваў «Ад бацькі і маці цяпло ў хаце», Шумілінская дзіцячая школа мастацтваў прапанавала выставу дзіцячых малюнкаў.
* * *
14 кастрычніка ў Віцебскім аблвыканкаме адбыўся ўрачысты прыём з нагоды Дня маці. Абласная прэмія імя Героя Савецкага Саюза З. М. Тусналобавай-Марчанка была ўручана 25 жыхаркам вобласці, сярод якіх – і наша зямлячка Зінаіда Сцержанкова.
Старшыня аблвыканкама Аляксандр Субоцін таксама ўручыў ордэны Маці, у ліку ўзнагароджаных – жыхаркі Шуміліна, мнагадзетныя маці Ларыса Глушнёва і Інара Багданава.
Аляксандр ШЭДЗЬКО.
