Убраць кукурузу да маразоў!
Галоўны клопат на палетках – уборка кукурузы і сяўба азімых зерневых. Кіраўнік раёна Сяргей Галынчык не задаволены тэмпамі і патрабуе неадкладна фарсіраваць работы, бо час прыспешвае.
Усяго па раёне трэба ўбраць 3513 гектараў кукурузы. На раніцу 23 верасня была здробнена кукуруза на 1072 гектарах (30,5% да патрэбнага). Гэта мала, адзначаюць спецыялісты райсельгасхарчу. Кукуруза вырасла нядрэнная, і яе варта ўбраць да маразоў. А ў многіх гаспадарках работа як след не арганізавана.
Па тэмпах уборкі кукурузы лідзіруюць ААТ «АграБаравінка» (убралі 42,2%), УП «Шумілінскі райаграсэрвіс» (36,7%), КУСГП «Ульскі» (35,2%).
Такія ж патрабаванні і па азімых зерневых, якіх трэба засеяць 8000 гектараў. Пакуль што ў раёне справіліся з 48,6% (3890 гектараў). Больш за ўсіх засеяна азімых зерневых у ААТ «АграБаравінка» (746 га, ці 82,9%). СФГ «Раднік» справіўся на 80%, ААТ «Ляжні» – на 62,3%. Разам з тым на рахунку КУСГП «Сіроцінскі» і УП «Шумілінскі райаграсэрвіс» толькі па 24% і 25,9% адпаведна.
Людміла ЗУЙКОВА.
