Ёсць шанс паступіць у ВНУ!
Міністэрства адукацыі Рэспублікі Беларусь прыняло рашэнне ў дзвюх вышэйшых навучальных установах – Беларускай дзяржаўнай сельскагаспадарчай акадэміі і Віцебскай дзяржаўнай акадэміі ветэрынарнай медыцыны – прадоўжыць прыём дакументаў на сельскагаспадарчыя спецыяльнасці да 29 ліпеня ўключна.
«Гэта шанс для тых выпускнікоў, хто не прайшоў па кон-курсе на іншыя спецыяльнасці і хоча атрымаць вышэйшую адукацыю, – кажа спецыяліст упраўлення па сельскай гаспадарцы і харчаванні райвыканкама Дар’я Шпака-ва. – У Беларускую дзяржаўную сельскагаспадарчую акадэмію да 29 ліпеня можна падаць дакументы на спецыяльнасці «вытворчасць прадукцыі расліннага паходжання», «вытворчасць прадукцыі жывёльнага паходжання», «тэхнічнае забеспячэнне вытворчасці сельскагаспадарчай прадукцыі»; у Віцебскую дзяржаўную акадэмію ветэрынарнай медыцыны на спецыяльнасці «ветэрынарная медыцына», «вытворчасць прадукцыі жывёльнага паходжання».
Важна!На спецыяльнасць «тэхнічнае забеспячэнне вытворчасці сельскагаспадарчай прадукцыі» трэба прадаставіць сертыфікаты па фізіцы і матэматыцы, на астатнія спецыяльнасці – па хіміі і біялогіі (або дакумент аб заканчэнні вучэбнай установы з адзнакай).
Ларыса ЗАЙЦАВА.
