У раёне падведзены вынікі прафсаюзных спаборніцтваў па жывёлагадоўлі за май.
Лепшым аператарам машыннага даення месяца вызначана Крысціна Новікава з ААТ «Ляжні», якая надаіла 690 кілаграмаў малака на адну фуражную карову. У мінулыя гады Крысціна неаднойчы была пераможцам спаборніцтваў сярод аператараў машыннага даення. А цялятніца з фермы Заобаль КУСГП «Сіроцінскі» Таццяна Паўлава выйшла ў пераможцы ўпершыню.
«Працую ў жывёлагадоўлі больш за трыццаць гадоў, – расказала Таццяна Леанідаўна. – Зараз у маёй групе 88 цялят. Раніцай і вечарам даю цялятам камбікорм, днём – сена. Добрыя кармы і догляд – вось сакрэт сярэднясутачных прываг, якія ў маёй групе за май склалі 562 грамы».
Лідараў жывёлагадоўлі павіншавала старшыня райкама прафсаюза работнікаў АПК Вольга Пусянкова. Крысціна Новікава і Тац-цяна Паўлава атрымалі ад прафсаюза дыпломы і падарункі.
Ларыса КІСЯЛЁВА.
