Дадатковая прафесійная пенсія
– Работніку была прызначана ў 2008 годзе пенсія за выслугу гадоў, але з-за таго, што ён працягваў працаваць на гэтай жа пасадзе, пенсія яму не выплачвалася, а прадпрыемства са студзеня 2009 года плаціла за работніка ўзносы на прафесійнае пенсійнае страхаванне. Ці мае права работнік атрымаць дадатковую прафесійную пенсію і ў якім памеры?
– Можа. Згодна з заканадаўствам дадатковая прафесійная пенсія прызначаецца застрахаваным асобам, на прафесійнай часці асабістага рахунку якіх на дзень дасягнення агульнавызначанага пенсійнага ўзросту маюцца пенсійныя зберажэнні. Права на атрыманне дадатковай прафесійнай пенсіі ўзнікае з дня дасягнення работнікам агульнавызначанага пенсійнага ўзросту. Дадатковая прафесійная пенсія ўстанаўліваецца ў памеры бюджэту пражытачнага мінімуму ў сярэднім на душу насельніцтва, дзеючага ў месяцы, за якія яна выплачваецца. Перыяд выплаты дадатковай прафесійнай пенсіі вызначаецца зыходзячы з сумы пенсійных зберажэнняў (на прафесійнай часці асабістага рахунку на дзень прызначэння пенсіі) і бюджэту пражытачнага мінімуму ў сярэднім на душу насельніцтва, дзеючага на гэтую дату.
Такім чынам, работнік пасля дасягнення ім пенсійнага ўзросту (60 год – мужчыны, 55 год – жанчыны) мае права звярнуцца ў Фонд сацыяльнай абароны насельніцтва з заявай аб прызначэнні дадатковай прафесійнай пенсіі. Пры гэтым прадпрыемства абавязана на працягу пяці рабочых дзён з дня падачы заявы падаць у Фонд інфармацыю па форме ПУ-6 (тып формы – прызначэнне пенсіі).
Пытанне каменціравала Т. ПРЭСНЯКОВА, начальнік райаддзела Фонду сацыяльнай абароны насельніцтва.
Надрукавана ў №3 ад 10.01.1012 г.
Спрашивали – отвечаем: Дополнительная профессиональная пенсия
