Як працуе крама ў Лескавічах?
У мінулы аўторак, 18 кастрычніка, калі падчас камандзіроўкі ў Лескавічы журналісты сустрэліся з вяскоўцамі, высветлілася, што ёсць праблемы з работай мясцовай крамы. Жыхары Лескавіч абураліся, што ў другой палове дня крама ніколі не працуе, на дзвярах вельмі часта можна ўбачыць аб’яву: “Закрыты ў сувязі з хваробай прадаўца”, расказала прадавец, што будзе звальняцца, бо ёй нязручна ездзіць з Шуміліна.
– Ды мы наогул стараемся прадукты набываць у Шуміліне, – гаварылі вяскоўцы. – Толькі як быць састарэлым людзям? Лепш аўталаўка прыходзіла б: хоць бы быў дакладны графік работы.
І сапраўды, у 15.30 мясцовая крама райспажыўтаварыства была зачынена на замок. Хаця графік работы, які быў прымацаваны да дзвярэй, сведчыў, што крама павінна працаваць да 18.00. Ніякіх аб’яў, акрамя як “здыму дом з наступным выкупам”, на краме не было. А што адкажа жыхарам Лескавіч кіраўніцтва райспажыўтаварыства?
Людміла ЗУЙКОВА.
надрукавана ў №83 ад 21.10.2016 г.
Почему в Лесковичах трудно попасть в магазин?
