На радзіму Якуба Коласа – з цымбаламі і баянам
На юбілейнае XXV свята-конкурс юных музыкантаў “Сымон-музыка”, якое традыцыйна ладзіцца на радзіме Якуба Коласа ў Стоўбцах, ездзілі выхаванцы дзіцячай школы мастацтваў – цымбалісты і баяніст. Каля 700 музыкантаў з усёй краіны і з суседняй Расіі прыехалі на музычны форум не толькі для таго, каб “праэкзаменаваць” свае здольнасці перад самым кампетэнтным журы, але і для таго, каб проста акунуцца ў атмасферу творчасці і сапраўднай беларускасці.
Юныя музыкі, выхаванцы Алены і Віктара Скорынавых, прывезлі са свята некалькі прызавых месцаў і безліч станоўчых уражанняў. Акампаніравала цымбалістам Ганна Красоўская.
А яшчэ гэта было сапраўднае падарожжа, як і належыць, з рамантычнымі прыгодамі. Усім, ад самай маленькай Алесі Жукавай да ўжо вопытнай гастралёршы Лізы Дземянёвай, паездка запомнілася прыемнымі ўзаемінамі, цікавымі выступленнямі, экскурсіямі, прагулкамі.
Наталля ЧАРНІЧЭНКА.
