Каб не купляць дровы як ката ў мяшку
На “гарачы тэлефон” рэдакцыі патэлефанаваў К. І. Бандарэнка (вул. 2-ая Прамысловая, д. 2), як толькі трактар райпаліўзбыту выгрузіў на ягоным двары прычэп дроў. “Сказалі, што будзе вольха і крыху асіны, а аказалася ў асноўным елка ды сасна”, – абураўся Казімір Іосіфавіч.
Начальнік райпаліўзбыту У. М. Кійко пасля нашага тэлефанавання пабываў у гасцях у свайго кліента. Ён патлумачыў, што можна ў дзень, калі будуць прывезены дровы (а пра гэта абавязкова паведамляе дыспетчар), прыйсці ў райпаліўзбыт. Вы ўбачыце, што грузяць менавіта ў ваш прычэп, аплаціце тавар на месцы і будзеце задаволены. “Але нашы кліенты, як правіла, ніколі не прыходзяць – робяць заказ па тэлефоне, – кажа Уладзімір Мікалаевіч, – і зноў жа, калі нават вам і прывезлі не тое, на што вы разлічвалі, то заўжды можна адмо-віцца ад заказу і “развярнуць” трактар назад”.
Трэба ўлічваць і тое, што ў райпаліўзбыце вы не можаце выбраць дровы па пародзе, адзначае У. М. Кійко. Да прыкладу, калі вы хочаце купіць прычэп бярозавых дроў, то павінны заказваць яго ў прыватніка, ці нарыхтоўваць самі праз лясгас.
Наталля ЧАРНІЧЭНКА.
Надрукавана ў №16 ад 28.02.2014 г.
Чтобы не покупать дрова как кота в мешке
